[A:50]ལྟ་བ་འདི་རྟོགས་པ་ཡོད་པར་ས་ལོ་མི་བཞེད་པའི་ཕྱིར་རོ༎
མངོན་པར་རྟོགས་པའི་རྒྱན་རྩ་འགྲེལ་གྱི་ངེས་དོན་རིགས་པས་སྒྲོ་འདོགས་གཅོད་པའི་ཚུལ་དབུ་མ་ཐལ་རང་དུ་སྨྲ་བ་རྣམས་ཀྱི་བཞེད་པ་བཞིན་མཁྱེན་ནས། སྒོམ་པས་ཉམས་སུ་མྱོང་བྱའི་ངེས་དོན་ཤེས་རྣམ་བརྒྱ་བདུན་ཅུ་རྩ་གསུམ་པོ་ཉིད་དུ་བཞེད་པས་གཞན་སྟོང་གི་ཚུལ་ཏེ་རྣལ་འབྱོར་སྤྱོད་པའི་དབུ་མ་ཞེས་གྲགས་པ་དེ་ཉིད་དོ༎
འདིར་ཕར་ཕྱིན་ཐེག་པ་ནས་འབྱུང་བའི་བསམ་བྱུང་གི་ཤེས་རབ་ནི། ངེས་པ་ཁོ་ནར་རིགས་པ་རྣམ་དག་ལས་སྐྱེས་དགོས་པ་ཡིན་ལ། རིགས་པ་དེ་ལ་ཡང་རང་རྒྱུད་དང། ཐལ་འགྱུར་གཉིས་ལས། དང་པོ་ལ་ཡང། ཐོགས་མེད་སྐུ་མཆེད་ཀྱི་ལུགས་དང། ཕྱོགས་གླང་ཡབ་སྲས་ཀྱི་ལུགས་གཉིས་ལས། དང་པོ་ནི། མངོན་པ་ཀུན་ལས་བཏུས་སོགས་ལས་འབྱུང་བ་དང། ་ཕྱི་མ་ནི། ཕྱོགས་གླང་ཡབ་སྲས་ཀྱི་གཞུང་ལས་གསུངས་པ་རྣམས་ཏེ། ལུགས་དེ་གཉིས་ཀ་ཡང་རྗེ་འདི་ཉིད་ཀྱིསཀྱི་ལེགས་པར་མཁྱེན་པ་ཡིན་ནོ༎
ཐལ་འགྱུར་ལ་ཡང་རྟོག་གེར་གྲགས་པ་དང། དབུ་མ་ཁོ་ན་ལ་གྲགས་པ་གཉིས་ལས། ཕྱི་མའི་སྲོལ་འབྱེད་ནི། སློབ་དཔོན་ཟླ་བ་གྲགས་པ་ཡིན་ལ། ལུགས་དེ་ཡང་རྗེ་འདི་ཉིད་ཀྱིས་ཕྱིན་ཅི་མ་ལོག་པར་མཁྱེན་པ་ཡིན་ནོ༎
ཡང་དབུ་མ་ཚིག་གསལ་འཇུག་གི་ངེས་དོན་ནི། གཏན་ལ་འབེབས་བྱེད་ཀྱི་རིགས་པ་རང་སྟོང་ཁོ་ནའི་དབང་དུ་བྱས་པ་དང། དེ་གཏན་ལ་ཕབ་པའི་ངེས་དོན་ཀྱང། རིགས་པས་དཔྱད་པའི་སྟོང་པ་ཉིད་ཅེས་བྱ་བ་མེད་པར་དགག་པ་ནམ་མཁའ་ལྟ་བུ་ལས་གཞན་མེད་ལ། གནས་སྐབས་ངེས་དོན་དུ་བཞག་པ་དེ་ཡང། མཐར་ནི་ཀུན་རྫོབ་ཀྱི་བདེན་པ་ཉིད་ལས་མ་འདས་སོ་ཤེས་སྒྲོ་འདོགས་ཆོད་པར་མཛད་དོ༎
2.1.2
གཉིས་པ་སྒོམ་བྱུང་གི་ཡོན་ཏན་ཇི་ལྟར་བརྙེས་པ་ནི། 2.1.2.1
ལམ་འབྲས་བུ་དང་བཅས་པའི་མན་ངག་ཉམས་ལེན་གྱི་ཚེ་ཇི་ལྟར་བརྙེས་པ་དང། 2.1.2.2
རྣལ་འབྱོར་ཡན་ལག་དྲུག་པའི་ཚེ་ཇི་ལྟར་བརྙེས་པའོ༎
2.1.2.1
དང་པོ་ནི། སྔོན་ལམ་འབྲས་ཀྱི་ཁྲིད་གསན་པ་དང།