[A:347]མིན་པའི་གྲངས་སུ་ལེགས་པར་བགྲངས་སོ༎
དེ་དག་ལ་འདི་སྐད་ཅེས།
མགྲིན་བཅུ་ཡིས་ནི་འཛམ་གླིང་གི༎
མི་རྣམས་མ་རུངས་བྱེད་པ་ན༎
སྲིད་བསྒྲུབ་ཀྱིས་ནི་མཐར་བྱེད་ཀྱི༎
མཆེ་བའི་ཁྱིམ་དུ་བསྙལ་ཞེས་གྲགས༎
ལྷ་ཡི་བླ་མས་སྦྱར་བ་ཡི༎
བསྟན་བཅོས་ལས་བྱུང་འཁྲུལ་འཁོར་གྱིས༎
མཁའ་ལྡིང་གིས་བྱིན་ཟས་ཅན་རྣམས༎
ལྷ་མིན་དམག་ལས་རྒྱལ་ཞེས་ཐོས༎
ཉག་ཕྲན་བདག་པོའི་ཡིད་མཚོ་ལས༎
ལེགས་ཕྱུང་བརྫུན་གྱི་འབབ་སྟེགས་ཅན༎
མི་བསྲུན་སྐྱེ་བོའི་ཁར་འཕྱང་བའི༎
གྲུབ་མཐའི་གྲོལ་ཅན་སྨིག་རྒྱུ་ཡི༎
ཆུ་ཀླུ་མང་པོའི་འབབ་ངོགས་སུ༎
སྐལ་བ་མེད་རྣམས་ལྔ་པར་འགྱུར༎
བྱེད་པོས་རྒྱ་མཚོ་ནས་ཕྱུང་བའི༎
འཆི་བྱེད་དང་ནི་འཆི་མེད་ཀྱི༎
བུམ་པ་གཉིས་པོ་སྦྱིན་མ་དང༎
བུམ་སྦྱིན་སྐྱེས་ཀྱི་སྐལ་བས་ཐོབ༎
ཕྲག་དོན་ཚ་ཟེར་ནུབ་པ་ལ༎
རྣམ་དཔྱོད་ཀུན་གསལ་དཔལ་མོ་ཡི༎
ཡོན་ཏན་རྒྱུ་སྐར་དོ་ཤལ་རྣམས༎
ལྷག་པར་གསལ་བ་མ་ཡིན་ནམ༎
བདེ་འབྱུང་གཙུག་ན་འཁོད་གྱུར་ཀྱང༎
ཉི་མའི་འོད་དང་ཉེ་བ་ན༎
ཆ་ཤས་ཉམས་པར་གྱུར་མཐོང་ནས༎
ཁྱོད་ཀྱིས་ཕྲག་དོག་ལམ་ལས་བྱོལ༎
རེས་འགའ་ལུང་དང་རིགས་པ་ཡི༎
སེང་གེའི་གདོང་དང་དུས་ཀྱི་མེས༎
མི་བསྲུན་ཕྱི་རྒོལ་ཕྲག་དོག་གིས༎
འོད་ཟེར་ཉམས་པར་མཛད་པ་མཐོང༎
1.2.5.3
རྩོམ་པ་ནོར་བུའི་དོ་ཤལ་གྱིས་ཐུབ་བསྟན་གྱི་ཁང་བཟངས་ཇི་ལྟར་བརྒྱན་པའི་ཚུལ།
གསུམ་པ་རྩོམ་པ་ནོར་བུའི་དོ་ཤལ་གྱིས་ཁང་བཟངས་ཇི་ལྟར་བརྒྱན་པའི་ཚུལ་ནི།
གཞན་ལ་མ་གྲགས་ལེགས་བཤད་གསར་པ་ཡིས༎ ཐུབ་བསྟན་ཁང་བཟངས་མཛེས་པའི་ངོ་མཚར་ནི༎ མཁས་པར་མཁྱེན་པའི་མཛད་པར་ལེགས་གཟིགས་ནས༎ བསྟན་བཅོས་མཛད་པ་ཁྱོད་ལ་ཕྱག་འཚལ་ལོ༎
List of Rong ston's Writings, list was published in Jackson1988:XVII-XIX
དེ་ཡང་འདི་ལྟར།
41 sub-commentaries
{༡-༢}་ཡུམ་རྒྱས་པ་སྟོང་ཕྲག་བརྒྱ་པའི་རྣམ་བཤད་རྒྱས་བསྡུས་གཉིས་དང།
{༣}་ས་ལུ་ལྗངས་པའི་མདོ་དང།
{༤}་ཤེས་རབ་སྙིང་པོའི་རྒྱ་ཆེར་འགྲེལ་དང།
{༥}་