[A:197a] bsnyen la/ yi dam gyi bsnyen pa sngon du song na rab/ ma song yang mgon po yi dam ltar bsgrub pa zhes bya ba bdag bskyed la brten pa nyid la gtso bor phyag len mdzad pas na skyon med de/ rang sha rang gis mi za ba'i dpes 'khu ldog kyang chung ba yin no/ /mgon po yi dam ltar bsgrub pa'i khungs kyang yod de/ byung lugs gtor ma dang bcas pa'i khrigs gong mas mdzad pa las/ yi dam ltar bsgrub pa dang / bka' bsgo'i tshul du bsgrub pa gnyis zhes dang / yi dam ltar bsgrub na bdag mgon por bskyed pa yin gsungs/ zhes gsal bar gsungs pas so/ /chos rgyus chung pa kha cig mgon po la bdag bskyed med zer ba yod kyang / de dag ni yig rnying rnams las mgon po la bdag bskyed mang du bshad pa dang / las sbyor gyi skabs su rang nyid lha mo sogs su yang bskyed par bshad pa dang /