[A:186b] brgyad pa/ gzhan yang bskang gtor la rgyas par byed na/ gtor ma zur gsum pa khrag dang smug rtsi sogs kyis dmar nag spel nas byugs pa mgon po/ lha zhal/ pu tra/ dkar bdud sogs lha grangs dang mnyam pa'am/ bla ma 'ga' zhig bco lnga mdzad par yang grags shing / thams cad mar gyis brgyan phyag mtshan me ris sogs kyis spras pa/ rgyun gtor ram thun gtor ni/ lcam dral 'khor bcas la rgyas par na snying gzugs byas pa gnyis/ gdong bzhi pa la yang gnyis te bzhi/ bsdu na zur gsum pa bzhi 'am bdun/ de dag thams cad mthong ba brgyud pa'i phyag len ltar ro/ /mdos bskang sngags drug dang phyag rgya drug gis byin gyis brlabs pa ni dam pas bshad de/ bskang gso chos nyid ma las/ mdos yod na sngags drug dang phyag rgya drug gis byin gyis brlabs zhes gsungs pa yin la/ gtor mdos gnyis ka yang sngags