[A:181a] mchod pa dang / gtor ma rnams bzang zhing rgya che ba rgyun ma chad par phul nas/ man ngag nyams len la brtson par byas na chos skyong rnams mnyes te las bzhi'i 'phrin las lhun grub tu 'byung ba ni rten 'brel gyi chos nyid yin pas na de skad ces bya'o/ /'di la gsum ste/ sngon 'gro rten dang mchod gtor bshams pa/ dngos gzhi bsnyen bsgrub las gsum gyi rim pa/ zhar byung thor bu'i man ngag bstan pa'o/ /dang po la gsum ste rten bshams pa/ gtor ma bshams pa/ mchod pa bshams pa'o/ /dang po la bzhi ste/ phyi'i rten dang / nang gi rten dang / gsang ba'i rten dang / de kho na nyid kyi rten no/ /'di dag kyang mkhas grub singha dhwa dzas/ ru mtshon rta nag g.yag nag dang / /lug nag khyi nag bya nag rnams/ /man ngag bzhin du bcas pa ni/ /phyi rten yin gyis 'bad par bya/ /