[A:145a]la ni dkyil chog rgya gzhung bram zes mdzad pa yod cing / bcu bdun ma'i dbang ni rgyud dur khrod nag po'i lha bskyed pa'i le'us bcu bdun ma'i dkyil 'khor dang / dbang gi le'us dbang bstan pa yin la/ lha brgyad ma dang bcu gnyis ma'i dbang la yig sna rje btsun gong mas mdzad pa mi snang zhing / gsan yig sogs na theb ma theb ci rigs pa 'byung yang / gang ltar dam pas mdzad pa'i bris sku dang / ka pA la'i shog ril las rdo rje nag po chen po gur gyi mgon po 'di nyid bram ze mchog sred kyi zhal gzigs ltar lha gsum ma dang / rgya gzhung ltar lha lnga ma'am/ bla ma brag steng pa'i khyad chos lha bcu gnyis ma'am/ bla ma mal lo'i khyad chos lha brgyad ma'am/ lo tsA ba rin chen bzang po'i bzhed pa ltar lcam dral gnyis yum dang bcas pa la gtso bor mdzad pa'i lugs gang yang rung ba gcig gi dkyil 'khor du dbang bzhi mtha'