[A:122b]cag gi bla ma dus gsum sgrib med du gzigs pa'i rgyal ba mus pa chen po sangs rgyas rgyal mtshan zhes mtshan yongs su grags pa'i rdo rje 'chang mi'i sku gzugs can de nyid la rdo rje'i chos skyong ye shes kyi spyan ldan rnams kyis zhal mngon sum du bstan nas bka' las cung zad kyang mi 'da' zhing 'phrin las mtha' yas pa bsgrubs pa'i tshul ni/ de yang rje 'di dgung lo bdun cu rtsa gnyis su phebs pa glang gi lo kho bo cag zhabs drung du sleb rgyu'i snga char dge slong byams pa dpal dang / rje dbon sangs dar sogs drung na gnas pa rnams la rje'i gsung las/ de ring gza' skar bzang ngan ci yod kyang de la ltos pa med/ mdang nub bla brang 'dir nged rang sa skya zhabs drung dang mjal zhing / bzhin ras dang dbyibs tshul 'di ltar 'dug ces dngos su gzigs pa ltar sgra ji bzhin du gsungs pa ni/ kho bo cag rje nyid kyis 'od gsal gyi ngang nas gzigs par gdon mi za bar 'dug cing / lhag par bla brang