[A:78a] mdzad pa'i cha shas de dag re re'i phyag rjes la bsams kyang / de kho na sku tshe ril por mdzad pa lta bu'i so so skye bo'i blo'i yul las 'das pa'i ngo mtshar ba'i rnam par thar pa mtha' yas pa zhig mnga' ba mngon sum du mthong zhing grub pa 'di yin pas/ de dag gi tshul rgyas par shes par 'dod na/ kho bos byas pa'i sngags 'chang nyid kyi rnam thar ngo mtshar rgya mtsho sogs su blta bar bya zhing / 'dir ni bstan srung dbang po rnams bran du 'khol ba'i tshul sogs gtso bor smos pa mdo tsam zhig bsnyad na/ skyes chen 'di nyid sku phra mo'i dus kyang mkhas pa rnams kyi yid 'phrog cing dad pa dbang med du skye ba'i mdzad pa rmad du byung ba du ma zhig mnga' ba yin te/ dper mtshon na/ tshar chen chos kyi rgyal pos/ sngags 'chang bla ma 'di nyid dang mjal bas mi phyed pa'i dad pa thob pa'i tshul ni/ chos rje tshar pa de nyid kyis lcog grwa mdzad nas dbus phyogs la phebs pa'i