[A:63b] zhig ni/ /chos rje bla ma dpal ldan pa/ /shar chen pa dang rdo rje 'chang / /bdag chen kun dga' dbang phyug la/ /'khon ston mkhas grub ma tis gsan/ /yig chung 'ga' yi lung dag ni/ /bla chen bdag po zhwa lu pa/ /paN chen shAkya mchog ldan la/ /rje btsun chos rjes gsan pa'o/ /bdag ni snyigs dus kha ba'i ljongs/ /ma rungs rgyu ba'i khrod du lhungs/ /'on kyang sngon gyi las dbang gis/ /yongs 'dzin dam pa 'ga' dang mjal/ /khyad par zhing skyong nag po'i skor/ /mkhas grub dam pa bdun las thob/ /yang dgos drin can rdo rje 'chang / /kun spangs chen po'i zhabs pad bsten/ /dad gus gser gyi lde mig gis/ /zab don thugs kyi sgo phye nas/ /snyan brgyud bdud rtsi'i bum bzang gnang / /rnam dpyod snyim par rab bzung ste/ /nan tan ro 'dzin gyis myangs pas/ /nges shes snying gi dkyil du shar/ /phyogs gzhan smon pa'i re ba bral/ /e ma