[A:57b] rnam pa mi langs pa'i lag pa brkyangs pa'i steng du zhabs gnyis bzhag pa gcig mtho ba'i zhal nas kha'u skyed lhas su rdo ring rtsar rgyugs gsungs pa'i lung bstan byung bas/ rkang btsugs 'ongs te rjes gnang zhus pas dus de nyid du ting nge 'dzin du ma rgyud la skyes nas mi phyed pa'i dad pa thob pa dang / ldan ma'i grwa ba zhig gis rjes gnang zhus pa'i tshe/ bla ma nag po chen por gsal ba'i zhes pa'i gsung thos 'phral rje nyid nag po chen po dngos su mthong ba'i zhal gdangs pa'ang nang de dmar khrig ste gang ba tsam du mthong nas lus nyams bzung bas mi thub pa byung zhing / phyis su'ang lam zab bsgoms pa tsam gyis lus nam mkha' la bya ltar lding zhing / thog so mang po la yar mar gang la'ang thogs med du 'phur ba sogs ngo mtshar ba byung bar grags pa sogs mtha' yas so/ /rje de nyid kyi thugs sras rgyud 'dzin kun gyi gtsug rgyan dam par gyur cing / dpal ldan sa