[A:15a] phyi mor song 'dug pas 'di kar bzhugs na legs pa 'dra zhes nan gyis zhus kyang ma gsan par/ da lta 'gro grab gyis gsungs shing / mchod g.yog pa nam shes la mgon po'i gtor ma gcig da lta 'chos la chu 'di la rgyobs gsungs pa'i bka' lung mdzad pa na/ khong gis kyang de bzhin byas pas/ chu la che chung du mngon pa ci yang ma byung / de rjes rje nyid kyis gtor ma gcig chu la brgyab pa gnang ba na/ lcags kyi tho lum me 'bar ba chur 'phangs pa lta bu'i sgra 'jigs su rung ba byung zhing / chu de yang de ma thag nas gsum gnyis 'phri ba tsam du song / der rje rang gis chu de la sngon la phebs shing / de rjes sgar pa gzhan rnams kyang bar chad med par chu'i pha rol tu slebs pa tsam na/ chu sngar bas kyang bcu 'gyur gyi che ba tsam du song bas sgar pa thams cad 'jigs shing skrag la ngo mtshar zhing blo bde bar gyur/ rje'i gsung las/ da mgon po la gtang rag gi mchod gtor phul/ thams /