[A:176b]sogs gsan/ spyi lhas pa byang chub 'od dang / rtsis pa dbang phyug seng ge la yang byams chos/ dbu ma/ bslab spyod la sogs pa dang / khyad par spyi lhas pa la man ngag zhi byed/ rdzogs chen/ rim lnga/ nA ro nai gu la sogs pa bod na yod tshad gsan te/ lan re zung re tsam gyis rdzogs par thugs su chud do/ /dgung lo nyer bdun pa la/ paN chen gyis mkhan po/ spyi lhas pas las slob/ zhu ston rdo rje skyabs kyis gsang ston byas nas dge 'dun grangs dang mtshan nyid tshang ba'i dbus su/ nyang smad rgyan gong gi gtsug lag khang du rab byung bsnyen rdzogs mdzad do/ /'khon sa skya pa'i gdung brgyud kyi nang na ngur smrig gi rgyal mtshan 'chang ba'i gtsug rgyan mdzad de/ gangs can pa thams cad rab tu byung ba la/ ches gtso bor gus par bya ba'i rgyun gyi gtso bor 'di 'dzin to/ /de ltar tshangs par spyod pa mtha' dag gi gtso bo dge slong gi sdom pa bzhes te/ so thar