[A:158a]nyi zla ltar grags pa mkhas shing grub pa brnyes pa'i gang zag bgrang ba las 'das pa 'dus pa'i skyed tshal/ chos dang zang zing gi dpal 'byor 'gran zla dang bral ba'i gnas dpal sa skya'i gtsug lag khang chen po thog mar btab pa yin no/ /'di nas bzung ste dpal ldan sa skya'i gdung brgyud ces nyi zla ltar grags so/ /de lta bu'i bla ma des dgung lo bzhi bcu pa nas re dgu'i bar lo sum cu tham pa gdan sa mdzad/ gdul bya dpag med smin grol la bkod nas/ re dgu pa lcags pho rta'i dbyug gu zla ba'i tshes bcu la ngo mtshar ba'i ltas du ma dang bcas te sa skya nyid du bde bar gshegs so/ /bla ma de'i jo mo rdo rje phyug mo la sras ye ma byung ba'i ngang nas dgung lo nga dgu bzhes pa'i dus su/ bla ma gnam kha'u pas thabs legs kyis nyo chang dang zhag sa 'tshol du bcug nas/ mkha' 'gro ma'i rnam rol gu ra ma jo mo zhang mo'i sar zhag gcig bzhugs pas sras gcig