[A:95b]bzhugs nges pa can du grag go /lo tsA ba chen po 'di'i lo rgyus thor bu ba yongs su grags pa rnams dang mi mthun pa 'ga' snang yang / 'dir ni lo chen de nyid kyi zhal slob gu ge khri thang ba dznyA na shrIs mdzad pa'i rnam thar tshad mar byas nas bris pa yin pas yid ches pa'i gnas su gzung du rung ba yin no/ /de lta bu'i lo tsA ba chen po des kha cher phyi ma byon pa'i tshe/ mnga' ris stod kyi rgyal po/ 'jam dpal rtsa ba'i rgyud las/ gangs ri can gyi rgyal khams na/ /rigs ni rgyal rigs zhes bya ba/ /ye shes 'od ces bya ba 'byung / /zhes lung bstan pa'i lha bla ma ye shes 'od dang / de'i dbon po lha btsun byang chub 'od de lha btsun khu dbon du grags pas/ bstan srung khyad par can zhig kyang spyan drongs zhes bka' gnang ba la brten nas/ bod la 'byon khar jo bo shraddha'i drung du chos skyong khyad par can gnang dgos zhus pas/ khyod rang rdo rje gdan gyi byang sgo'i