[A:90a]gsungs so/ /de nas bla ma chen po byang chub sems dpa'i zhal nas/ lo tsA ba chen po kha cher bzhag pa'i dpe rnams len pa dang / lha bzo ba mkhas pa rnams 'bod par 'byon 'tshal zhes zhus pas zhal gyis bzhes/ byang chub sems dpa'i zhal nas/ da bla ma la rdzongs su rta dang glang po phul na ni 'phrang dog pas mi thar/ gser dngul phul na mi theg pas rig pa can gyi khye'u lnga nye gnas su brdzangs/ rus sna brgyad yon du phul nas yang kha cher byon/ bla ma lo tsA ba'i thugs dgongs la ngas chos bslabs shing sems can gyi don byed pa 'di pha ma yab yum gnyis kyi drin lan snyam du dgongs nas/ kha cher yab kyi don du rten khyad par can bzhengs pa'i rgyu la gser srang nyi shu tsam bsnams nas byon/ kha che rang du ra gan gyi slong mo mdzad pas mang du rnyed nas lha bzo ba mkhas pa bhe tu ka bya bas yab kyi sku tshad dang mnyam pa'i thugs rje chen po'i