[A:77a]bzhir mgon po nag po bzhi/ las mkhan kShe tra pA la dang / si ta pA la ste gtso 'khor bdun par sgrub pa las mgon chen po'am bran bdud gshin rje nag por grags pa rta nag la zhon pa/ lag na khram shing rtse mo gsum pa dang / mi snying dang sbrul zhags 'dzin pa/ de'i lha mo rkang pa gsum ma lag na me phung thogs pa dang bcas pa/ gzhan yang mgon po phur bu'i sgrub thabs/ spogs shing gnad la bor ba'i man ngag rdo rje'i tshig gi sbas pa'i man ngag brgyad la sogs pa zab cing gsang ba'i gdams pa du ma zhig yod do/ /de lta bu'i chos skor rnams gyi ljang lo tsA bas bod yul du spyan drangs nas bod kyi sa'i cha stod du mal lo tsA ba dang / gru gu ston pa dang / skye med jo gdan dang / lce rin po che dang / stum ston blo gros grags sogs la brgyud pa'i chos skor la stod lugs su grags/ mdo smad du byon nas/ lhang 'chang