[A:75b]spyan drangs pa sogs brgyud pa mi 'dra ba ji snyed cig byung bar snang ngo / /de rnams kyi nang nas lo tsA ba chen po rin chen bzang po nas mal lo tsA ba la brgyud pa'i bshad srol 'di nyid mchog tu gyur pa'i zab cing rgya che ba yin pas/ de nyid rgyas par 'og tu 'chad/ gzhan rnams phal cher ni pho rkyang dpa' bo gcig tu bsgrub pa dang / mo rkyang du bsgrub pa/ rjes gnang dang sgrub thabs zung 'brel/ las tshogs thor bu tsam las mi snang / gyi ljang lo tsA ba nas brgyud pa'i bshad srol 'di cha tshang bar snang ste/ de yang 'brog mi lo tsA ba'i gzhung rdzogs pa'i slob ma gyi ljang dbu dkar zhes bya ba des rgya gar du byon nas bram ze mchog sred kyi brgyud 'dzin rgya gar gyi paNDi ta chen po la li ta badzra zhes bya ba grub pa thob pa'i rnal 'byor pa chen po gcig dus rgyun du dur khrod chen po zhig tu ting nge 'dzin sgom zhing bzhugs pas/ mtshan yang dur khrod nag po ro 'dzin zhes grags pa zhig dang mjal