[A:68b]phan du ma btags/ bla ma la la dag de nas grub pa thob ste spyod pa mdzad ces gsungs so/ /zhes grags shing / de nyid don la gnas pa yin te/ 'phags pa rin po ches mdzad pa'i mgon po'i bris sku bri ba'i yi ger/ nor bu gling pa rnal 'byor pa'i cha lugs thod pa 'dzin pa 'bri bar bshad pa'i phyir ro/ /de'i drung du kha che'i paNDi ta chen po shraddha ka ra warma dad byed go char grags pas zhus/ de'ang thog mar yo ga la sogs pa'i rgyud sde la nan tan du mdzad/ gzhan yang zab pa dang rgya che ba'i gdams pa dpag tu med pa gsan nas mkhas pa'i mchog tu gyur/ dus re zhig gi tshe bstan pa'i rim gro dgos pa byung nas nor bu gling pa mgon khang du spyan drangs pa'i tshe/ nag po chen po'i gsung gis khyod rang gi rigs pa dang mthun nges pa'i slob ma 'di la bdag byin la gsol ba 'debs su chug ces lung bstan te tshogs kyi 'khor lo dang bcas nas/ slob dpon shraddha