[A:57a]bstan nas dam la btags te/ phyi rabs kyi rnal 'byor pa la stong grogs mi brjed pa'i phyir thod pa'i 'phreng ba rtags su byin pa sogs 'di'i lo rgyus rgyas pa ni dpal he ru kas gsungs pa'i bdud nag po chen po'i rgyud le'u bdun gyi bdag nyid can zhig 'byung ba de nyid las zhib tu rtogs par bya ste/ de'ang le'u dang po gleng gzhi'i le'u/ gnyis pa gleng bslang ba'i le'u/ gsum pa sgrub pa'i le'u/ bzhi pa dam bca' ba'i le'u/ lnga pa bskul zhing rdzas bsag pa'i le'u/ drug pa bstan pa gtad pa'i le'u/ bdun pa gdams pa bstan pa'i le'u rnams su yod pa'i rgyud de nyid kyis gsal bar bstan pa yin zhing / phur srung ma mo sde gsum po 'di rnams kyang nges don chos kyi sku las ma g.yos bzhin du gdul bya'i snang ngor sngon bcom ldan 'das rdo rje gzhon nus gdul bya ru Ta ma rungs pa btul ba'i dus su rang rang gi srog snying phul zhing dam la btags nas bstan pa bsrung bar zhal gyis