[A:50b]yin/ /zhes sogs kyis nam gru'i rigs dang cho 'brangs la bstod pas dga' zhing dbang du byas te/ dpal kun 'byung ba'i dkyil 'khor chen por bcug cing dbang bskur nas bstan pa'i srung mar bskos par bshad do/ /ston pa byang chub kyi shing drung na bzhugs pa'i tshe/ lha mo nag mos rang gi rig pa phul zhing / ston pas gzungs dang phan yon gsungs pa lha mo nag mo'i gzungs zhes bya ba dang / ston pa bya rgod spungs pa'i ri la bzhugs pa'i tshe/ lha mo nag mo drung du 'ongs pa dang / byang sems seng ge brtson 'grus kyis ming gi rnam grangs zhus pas/ ston pas lha mo'i mtshan brgya rtsa brgyad phan yon dang bcas pa gsungs pa/ lha mo nag mo'i mtshan brgya rtsa brgyad pa rnams kyis kyang bstan pa yin zhing / gzhan yang bla med kyi rgyud rdo rje mkha' 'gro/ bde mchog rtsa rgyud/ kye rdor brtag gnyis/ sambu Ta'i rgyud sogs las yul nyer bzhi dang / gnas so gnyis