[B:3b]po tsandra'i ming can bdun dang / pA la'i ming can bdun
[A:6]dang | se na'i ming can bzhi la sogs pa byung bar bshad pa'i tsandra bdun dang / go mi tsantra ni/ dza lan dha ra pa'i slob mar bshad la/ de ni dril bu pa'i dngos slob rus sbal zhabs kyi dngos slob yin par dang / rgyal po de'i bu brgyud btsun mo klu ru skyes pa gcig gis zos nas/ rgyal po re mos byed dgos pa byung ba'i tshe/ ba lang rdzi gcig gis re mos la klu mo thul nas des rgyal po yun ring byas pa ni pA la dang po go pA la yin/ de'i dus su grub chen lwa ba pas grub pa thob nas/ da bya ba gang byas na bstan pa la phan gzigs pas/ dge 'dun gyi sde btsugs na phan par gzigs nas/ rgyal po go pA la'i sras su bsams bzhin du skye ba bzhes nas/ bi ka ma la'i chos sde 'dzugs pa po ni/ pA la gnyis pa dharma pA la yin/ lwa ba pa yang dril bu zhabs sogs dang dus mnyam/ dharma pA la dang / bod kyi chos rgyal sad na legs dus mnyam par yar lung bang po'i 'gram gyi rdo ring la bris yod par grags pas/ rgya gar gyi rgyal po dgu'i ring la lo phyed dang sum stong 'gro ba mi rigs pa'i phyir na/ rgya hor gyi rgyal rabs rnams las sangs rgyas sum cu rtsa gsum du byon nas yum la chos su/ lha yul du dbyar gnas zla ba gsum bzhugs pa'i ring la/ rgya gar rgyal po rnams kyis sku 'dra mang du bzhes pa'i nang nas phrin las shin tu che ba ni/ rgyal po u tra ya nas bzhengs pa'i tsandan jo bo/ da lta rgya yul na bzhugs pa 'di yin/ 'di bzhengs tshar nas ston pa lha yul nas phebs te mjal ba na/ 'dis bzhengs te dbu btud pa'i spyi bor ston pas phyag bzhag nga mya ngan las
[A:7]'das nas