[B:31a]spyir thugs dam bsam gyis mi khyab/ khyad par sbyor ba yan lag drug pa la mnga' brnyes/ yos zhal la phyag 'phreng gi rjes dod pa la sogs pa'i grub rtags mang du bstan/ gzhan phan dang thugs dam la rtse gcig pa'i sems dpa' chen por bzhugs pa'i ngang nas dgung lo bdun cu pa sa pho spre'u lo/ hor zla gsum pa'i tshes brgyad la me tog la sogs pa'i ya mtshan du ma dang bcas te/ g.yas ru srin po ri'i rnam rgyal sgang gi gzims khang dmar por gshegs so/ /bdag chen rnam sras pa la sras gnyis 'khrungs pa'i che ba ni/ bdag po kun blo ba ste/ thugs rab che tshad thub/ tshad ma sogs la sbyangs/ thugs dam bzang / rta nag skor du bzhugs/ byin brlabs shin tu che ba'i ngang nas sa
[A:65]skya rin chen sgang du gshegs so/ /bcung dbang nam legs pa ni/ ya 'brog ma gcig bsod nams 'bum la/ yab dgung lo bzhi bcu pa sa mo yos la 'khrungs/ sku mdzes/ gsung bzang / thugs gsal/ gzhon nu nyid nas brtag pa gnyis pa la sogs pa'i gsan sbyong yang mdzad/ khyad par bdag gi mkhan po 'brom ston seng ge'i mtshan can la mos gus rtse gcig tu mdzad/ sku pang du dbu brtsugs nas gzims/ gang gsung sgrub/ chos 'khor sgang du sku rim zla ja| na bza' rtsi gos kyi 'gyed nar ma mdzad/ sku bsod 'phel ba'i stobs kyis dgung lo bcu drug pa la/ zhu 'phen sogs 'bad rtsol gang yang mi dgos par/ theg chen chos rgyal rjes zhus nas/ gong ma rta'i ming rgyal pos hu kya hAo wang gi mtshan dang| gser dam