[B:29a]khang zhig gsos sus kyang ma nus pa gso ba sogs grub rtags du ma mdzad nas bde bar gshegs shing sras med do/ /bdag po kun rin pa'i sras grags pa blo gros pa lug lo la 'khrungs/ phag mo gru pa la thugs gtad/ gong ma grags pa rgyal mtshan pa sku mched kyi bla ma dang gshegs rdzongs kyi tshogs dpon la sogs pa mdzad/ shab smad dang chu smig tu bzhugs/ chos skyong la shin tu mnga' brnyes/ bdag gis kyang 'di'i drung du/ chos skyong che chung gi dbang dang gdams ngag la sogs bod na gang yod thob/ don gcig pa sbrul lo la gshegs/ de'i sras chu smig pa blo gros dbang phyug pa ni/ gzhon nu nas rab tu byung / ngor du yun ring bzhugs/ mkhas
[A:61]btsun bzang gsum dang ldan pa da lta yang bzhugs so/ /'jam dbyangs don yod rgyal mtshan pa rab byung ma mdzad gong du ma gcig zhal lu ma la bla chen kun rgyal bar grags pa 'khrungs/ shing khang bla brang zhal lu khang gsar dang bcas pa dang / bsam yas dge sdings la sogs pa bzung / shab dge sdings pa nam mkha' rgyal mtshan pa dang / bdag po zhal lu ba bsod rgyal ba gnyis byon/ snga ma'i sras rgya gar pa dang blo gros pa/ phyi ma'i sras rgya nag pa| grags rgyal ba rnams da lta bzhugs so/ /dus mchod pa pA len dbang kun dga' legs pa la bdag po kun rin pa dang yum gcig pa'i bla chen bsod nams blo gros pa ni/ yab dgung?dgu lo nyer lnga pa chu pho spre'u la 'khrungs/ 'di yang chos rje bla ma dam pas bskyangs/ lung rigs man ngag mtha' dag la mkhas/ dgung lo nyer gsum pa la stag tshang rdzong