[B:9a]mi byung ngo / /de ltar 'khon rog yan rnams kyis phar phyin sogs phyi mtshan nyid kyi skor ci rigs pa dang / sngags la gsang ba sde drug snga 'gyur lnga/ phyi 'gyur bcu gsum/ phra mo nyi shu rtsa gcig la sogs pa'i gsang sngags snga
[A:18]'gyur la shin tu mkhas shing yang dag dang phur pa la thugs dam gyi mthil mdzad pas grub pa brnyes/ chos skyong dkar mo nyi zla dang / bdud mgon la mdzad pas nus pa thon pa sha stag go /dkon mchog rgyal po ni 'khon sa skya pa zhes grags pa'i thog ma rang yin te/ shing pho khyi la sku 'khrungs/ gzhon nu nas yab dang gcen la dbang bshad man ngag mang du gsan/ yab mes kyi chos la mkhas par sbyangs/ gsang sngags gsar 'gyur la yang thugs mos par yod pa'i skabs su/ 'brog gi lung ston chen mo gcig byung sar byon pas/ ltad mo sna tshogs 'dug pa'i nang nas sngags pa mang pos dbang phyug ma nyi shu rtsa brgyad kyi mgo brnyan gyon/ phyag mtshan so sor khyer/ ma mo ral pa can gyi rnga stabs dang bcas nas 'cham gyi 'dug pas| ltad mo yang de ka che/ khrom thog kyang des chod song / de'i rgyu mtshan rnams gcen la zhus pas/ da gsang sngags 'chol par spyod pa zhes bya ba'i dus byung bas/ da phyin chad rnying ma ba la grub thob mtshan nyid pa dkon pa yin pas mi yong | rang la dbang yod pa rnams rang nyid dbang che ba yin pas/ nga rang gi dpe cha rten gsum rnams gter du sbed gsungs nas sbas pas yang phur gnyis chos skyong gnyan nas sbed ma thub pa/ phyis kyi gdung brgyud rnams kyis kyang 'di gnyis la thugs dam dang / chos skyong dkar mo nyi zla lcam sring la dus gtor ma chag pa 'di byung ba yin no/ /de bzhin