[A:314]zhus/ thugs dges pa chen pos rjes su bzung zhing rig gnas kyi bstan pa gtad/ bshad rgyun dpag tu med par 'phel bar lung bstan pa yin la/ sems pa dpa' chen po thugs rje dpal gyi thugs sras mchog tu gyur pa/ lo tsA ba grags pa rgya mtshos tsandra pa'i mdo/ 'grel pa dharma dA sa/ nyer mkho'i mdo so so 'grel pa dang bcas zhib tu nan chags chen pos stsal zhing gsan pa yin no/ /
de ltar rig gnas la mkhyen pa dpag par dka' bas/ dus 'khor 'grel chen/ dpag bsam 'khri shing la sogs pa'i bstan bcos brgya phrag tsam gyi rgya dpe dang bod dpe legs par sbyar te/ gzigs rtog mdzad pa dang gzhan la 'doms par yang mdzad/
mngon brjod kyi bstan bcos sna tshogs gsal ba/ 'grel pa 'dod 'jo/ mu tig phreng ba/ mtshan brjod 'grel pa dbu ma la dga' pas mdzad pa la sogs pa'i gzhi 'gyur shin tu mang ba dang / byams chos lnga/ rgyud gsum/ me long / sdeb sbyor sogs gzhung shin tu mang po la 'gyur 'chos hor khongs gsab pa sogs kyi sgo nas ma 'gyur ba dang / log par bsgyur ba dang / 'gyur chad pa sogs mtha' dag gi dri ma bkrus nas/ bstan pa rin po che gsal ba las kyang ches shin tu gsal bar mdzad pa yin no/ /
'gyur mdzad pa'i tshe ches shin tu myur ba yin te/ rje btsun nyid kyi rgya dpe rnams bod skad du bsgyur/ yi ge gcig kyang chad lhag med par gsung ba slob ma rnams kyis bod dpe bzung nas mnan pa na/ bod klog bzang ba kun gyis kyang non dka' bar gyur ba ni mngon sum du gsol lo/