[A:300]bdun pa la mkhan chen gser khang pa dang / mes ston 'dul 'dzin pa las rab tu byung /
bcu pa la mdo rtsa TIkka dang bcas pa khyi bdun gyis bdas kyang thon pa byung / sngon tshe sbyangs pas skye ba 'dir/ /gzhung rnams rtsed mo'i zhor la shes/ /zhes gsungs/ grogs shig gis chu la khur bas khyed stobs ches sangs rgyas bstan pa rangs po khur bas theg 'gro ba 'dug gsungs pas/ des 'thab skad do/ /
bcu gsum pa la tsha nar rtag bde ba'i drung du byon/ lo drug bar ma chad dubasten nas/ phar tshad mngon gsum/ dbu ma/ khyad par du dus 'khor la sbyangs pas/ bum pa gang byo'i tshul du mkhas par mkhyen/ phyi nang gzhan gsum don ston pa'i/ /rgyud 'grel tshig do narang bshad nas/ /rdo rje theg par blo phyogs mdzad/ /gsang ba'i don ston bla mar 'dudu/ /bsams bzhin yang bla ma 'di bka' drin che/ /rtag bde ba 'di bka' drin che/ /bka' drin can gyi bla ma la/ /gus pas phyag 'tshal skyabs su mchi/ /zhes sogs gsol 'debs kyang mdzad/
bcu dgu pa la rtag bde ba sku gshegs nas/ mang mkhar khra tshang du lo mchog pa la dus 'khor shong lugs/ ka tsan me long / rong pa shes rab seng ge la dus 'khor rwa lugs/ sa skyar 'jam skya ba la brtag gnyis/ rnam 'grel/ rig gter gsan//
nyi shu pa la gser khang pas mkhan po/ me tog pas las slob/ byang ston pas gsang ston mdzad de bsnyen par rdzogs/ a tsa ra byung tshad la