[A:273]pa yan chad gzhon nu gdong drug gis bshad cing / ka lA pa zhes pa cha bsags kyi don rma bya'i mjug sgro kha dog sna tshogs pa bsags pa'i don du 'chad mod/ 'dir ni de ltar ma grags te/ ka lA pa ni sapta warma nyid kyis brtsams la cha bsags kyi don ni nye bar mkho ba'i cha shas mtha' dag bsags pa'o/ /zhes pa'i don no/ /
de bzhin du slob dpon 'di'i ming la dbang phyug go cha zhes bya ba yin cing / sarba warma zhes pa yang yin nor brgyud pa ste/ sapta warma bdun pa'i go cha yin no/
kA li da sa'i lo rgyus ni/ wa ra Na si'i rgyal po bi ma shukla'i mchod gnas su bram ze mchog sred yod pa'i tshe/ rgyal po'i bu mo dpyid ldan ma zhes ba ba bram ze mchog sred la sbyin par byas pa las/ dpyid ldan ma nga rgyal gyis dregs pas mchog sred las kho mo mkhas pa'i phyir g.yog mo mi byed do zhes byas so/ /der mchog sred kyis 'di rdzan gyis bslu bar bya'o snyam nas/ 'o na bdag gi slob dpon mkhas pa/ bdag las blo gros brgya 'gyur gyis che ba zhig yod pa de spyan drangs la/ de la rgyal pos dpyid ldan ma stsol cig ces bas nas/ ma ga dha'i gnag rdzi gzugs bzang pa zhig shing gi yal ga'i rtse mo la gnas te/ yal ga'i rtsa ba la ste'u bsnun par byed pa mthong nas/ shin tu blan par shes te/ de bos nas zhag 'gar khrus dang bku mnyi phun sum tshogs par byas/ bram ze paNDe ta'i cha byad du bcos/ i swasti zhes bya pa gcig bu bslabs te/ rgyal po skye bo'i tshogs dang bcas pa'i bzhugs/ rgyal po la me tog gtor te/ i swasti zhes bya ba