[A:247 ]dka' lnga pa dpal 'byor shes rab dgung lo brgyad bzhes pa'i tshe rdzong chos sde gsar du btsugs/ khong gis so gnyis pa la rdzong chos sde'i mkhan po mdzad/ so bdun pa ngam rings chos sde'i mkhan po mdzad ces de nyid kyi rnam thar las 'byung ba gang zhig chos rje bka' lnga pa de nyid ngam rings chos sde chen po'i mkhan rabs dgu pa yin pa las (shes ) so/
dpal ldan bzang ldan gyi mkhan po ni/ sa bzang ma ti paN chen kun spangs chos grags dpal/ mkhan chen sangs rgyas bzang po/ rtse lnga nam mkha' ye shes/ 'jam dbyangs dkon mchog bzang po/ gzhon nu tshul khrims/ gzhon nu shes rab ste bdun kho na las gzhan ma byung ngo / rtse thang gi chos sde lcags mo yos la btab ces deb sngon las 'byung bas/ sum stong bzhi brgya brgyad cu rtsa bzhi pa lcags yos
spyi lo 1341
la rtse thang byon/ de nas nyis brgya dang bcu bzhi lon/ 'debs mkhan ta'i si tu byang chub rgyal mtshan zhes grags pa/ khri skor bcu gsum la dbang bsgyur zhing sne'u brag rtog gzhis kha rin spungs/ bsam grub rtse sogs 'debs pa po de yin/ sum stong lnga brgya dang bcu ru son pa me mo sbrul spyi lo 1377
la mdog zhe dgon gyi sngags dgon byon/ de nas brgya dang brgyad/ 'debs mkhan grub chen budha shrI lnga bcu rtsa gcig bzhes pas/ rje dpal ldan tshul khrims la gsung ngag thog mar gsan pa'i tshe yin/
'das lo nas sum stong lnga brgya bzhi bcu rtsa gnyis pa sa mo glang spyi lo 1409
la 'brog ri bo dge ldan byon/ de nas brgya dang lnga cu rtsa drug 'debs mkhan rje blo bzang grags pa lnga bcu rtsa gsum lon pa yin no/