[A:178]stag nas nyis brgya dang don lngar slebs pa lags so/ sum stong bzhi brgya dang nyer bzhi 'das pa'i nyer lnga pa chu pho 'brug
spyi lo 1292
la kun mkhyen dol bu shes rab rgyal mtshan/ mnga' ris dol bu'i ban tshan du byon/ bcu gsum pa la skye stongs su mkhan po tshul khrims snying po las rab tu byung / der skyi ston 'jam dbyangs grags rgyal byon pa la rdo rje phreng ba bslabs/ bco brgyad pa la skyi ston grags blo phar phebs pa la tshad bsdus sbyangs/ de nas skyi ston pa sa skyar phebs te slar dpal ldan sa skyar skyi ston shAka 'bum dang skyi ston grags pa rgyal mtshan te khu dbon de gnyis kyi drung du mdo phyogs la sbyangs/ nyer gsum pa la bka' bzhi'i steng du spyod 'jug bsnan te po ti lnga la grwa skor mdzad de/ nyer lnga pa la chos lung mkhan po bsod grags las bsnyen par rdzogs/ so gcig pa la jo nang du yon tan rgya mtsho'i zhabs pad bsten/ so lnga pa de'i gdan seng ge'i khri la zhabs pad brten/ so dgu pa la mchod rten chen po bzhengs/ lo phyed dang bzhi la grub/ nyams rtogs kyi mdzad rdol/ lo bcu gsum du jo nang gi seng ge'i khri la 'khod de chos gsungs pas spyir bshad sgrub kyi bstan pa dang / khyad par gzhan stong pa zhes phyogs kun tu snyan pa'i ba dan g.yos/ nyid kyi zhe bdun pa sa pho stag lor/ lo tsA ba blo gros dpal gdan sar bskos/ rta lor lo tsA ba gshegs te nyid kyi re gsum pa shing pho rta lor phyogs rgyal ba gdan sar bskos/ bdun cu pa la nub chos lung du chos rje bla ma dang mjal bka' bsdu bzhi pa sogs gnang / slar bdun cu pa lcags mo glang zla ba bcu gcig pa'i tshes drug la zhi bar gshegs/