[A:165] gsang sde [ston] yar lung pa byang chub rgyal mtshan sogs las bsnyen par rdzogs/ slar so gcig pa shing mo glang la dpal ldan sa skyar phebs/
de'i tshe bod dbus gtsang gi dge ba'i bshes gnyen che rgu thams cad kyis mdo khams su bsu ba ser sbreng la phebs/ shong rdo rje rgyal mtshan gyis bstod pa spel legs kyi snyan ngag phul/ 'bel ba'i gtam gyis bka' mchid mchog tu stsal/ de dag kun gyi nang nas la stod pa gangs shAkya bshes gnyen dang / dbus kyi 'bre'u rin po che gnyis la mchog tu dgyes pa thob ces kyang zer/ dbus gtsang khams gsum chos dang zang zing gis 'byor pas bde ba la bkod/
slar so gsum pa la gong mas spyan 'dren gyi gser yig pa slebs pas shar la phebs/ de'i tshe gsol gzim mchod gsum/ 'jal yig mdzod gsum/ thab 'dren gdan gsum/ rta skya gnyis/ mdzo khyi gnyis te las tshan bcu gsum gyi bkod pa gnang /
bcom ral gyis/ sangs rgyas bstan pa bka' phyag sprin gyis bsgrib/ ces sogs kyi zur za'i zhu mchid phul/ bstan pa 'phel 'grib 'byung ba rgyal bas gsungs// zhes sogs kyi bka' mchid stsal/
so bzhi pa sa pho 'brug la dpon chen shAkya bzang pos khri skor bcu gsum bskul te lha khang chen mo'i gzhi bting / rgyal po'i pho brang du phebs/ dbang yon du rgya'i yur ma chod/ bod chol kha gsum phul/
chol kha gsum ni/ dbus gtsang chos kyi chol kha/ mdo stod gon gyo mi'i chol kha/mdo smad gling kha rta'i chol kha zer/ 'ga' zhig/ mang yul