[A:156] nas bsngo ba mdzad/ glang lo'i dbyar gnas slas mo cher mdzad dgag dbye thon nas chu mig ring mor byon/ rgyan gong gnas su rdo rje dpal la bsnyen rdzogs gnang / gzhu snye mo'i nang la byon/ mtshur phu nas stod lung brgyud de jo bo rnam gnyis la mchod pa phul/ mtshur phu ba'i skyel mi rnams la/ khyed kyi dgon pa na sangs rgyas thod pa'i rgyud nas bshad pa'i sku gsum snang ba khyed kyis ngo ma shes gsungs/ sku gsum ni bde mchog yab yum go ldog/ shAkya thub pa sprul sku la yum rdo rje mkha' 'gro/ rdo rje dril bu mnyam sbyor gyi lha dang gsum mo/ de nas srin po rir stag lo dbyar gnas mdzad/ byams chos khrid dang rigs tshogs rnams gsungs/ me mo yos la sol nag thang po cher phebs/ bstan rtsis mdzad pa na/
smin drug zla ba'i dkar phyogs kyi//
tshes brgyad nam gung mnyam pa la//
zla ba ri bo la nub tshe//
thub dbang yongs su mya ngan 'das//
de rjes lo ni stong phrag gcig//
bdun brgya dang ni lnga bcu dang //
zla ba gnyis dang zla ba phyed//
de bzhin nyi ma snga rabs 'das//
zhes sogs bshad/
'o na rang lugs kyi skar rtsis dang ches mi mthun on snyam na skyon med de/ pan chen gyi bstan rtsis kyi 'das lo'i thog ma ni/ mtho btsun grub rje dang bde byed bdag pos byang chub chen po'i sku bzhengs dus kyi me mo sbrul nas bzung ba yin no zhes bshad zin la/ de lta bu'i me sbrul de ni/ 'das lo nas stong dang lnga brgya gya dgu 'das pa'i dgu bcu pa yin no zhes kyang bshad zin zhing / pan chen gyi bstan rtsis 'di ni me mo yos lo nag pa zla ba'i tshes lnga la mdzad pa yin pa dang / me yos nag pa zla ba'i tshes lnga ni/