[A:125] las stod dkon mkhar la slob ma'i mchog grub thob dpal phag mo gru pa khams pa rdor rgyal/ grub thob nyi phug pa chos grags/ 'khon dbang phyug rin chen dang gsum gyis gtsos pa'i brgyad brgya tsam byung ba'o/
che ba bcu pa/ brgyud pa'i mchog gyur byang sems byon tshul ni/ gong gi lung bstan ltar gnas snying pa'am las stod pa'i gdung rabs la spyan ras gzigs kyi rnam 'phrul brgyad bcu rtsa brgyad 'byon pa'o/ de ltar na yang 'bre chen po'i bshad rgyun spel ba'i slob ma ar byang chub ye shes yin pa la/ de'i slob ma khyung sher brtson dang / gzhon nu tshul khrims/ de gnyis kyi slob ma zhang g.ye ba smon lam tshul khrims/ de'i slob ma gnyal zhig 'jam dpal rdo rje/ des pho brang du shang rdor [tor] lo dgu mtshams bsdams te bshad pa mdzad pa las/ gnyal zhig gi bu dgur grags pa byung ste/ bzang rings/ phu thang dar dkon/ gtsang pa gru gu gsum snga tshar/ 'u yug pa bsod nams seng ge/ bo dong pa rin chen rtse mo/ gtsang pa jo nam gsum bar tshar/ rgya 'ching rub pa/ 'jam gsar shes rab 'od zer/ skyel nag grags seng gsum phyi tshar ro/
de dag las phu thang dar dkon gyis/ stod lung dang / yar klungs su bshad pa mdzad/ slob ma gnyan dar ma 'od/ bya yul dkar mo sogs so/ bzang rings kyis khro phur bshad pa mdzad/ slob ma lho pa grub seng sogs so/ gtsang pa gru gus zhwa lur bshad pa btsugs/
gnyal zhig gi dus 'jam dbyangs sa pan jo sras gzhon nu gyur pas gsang phur byon/ rnam nges la bshad pa mdzad/ gnyal zhig de bla mar 'os pa zhig 'dug na'ang /