[A:15]zhes bya ba las sngags kyi sgor zhugs/ de nas rgya gar du byon nas slob dpon ratna A ka ra shAnti pa grags pa che zhing mkhas par dgongs nas 'dul ba dang / shes rab kyi pha rol tu phyin pa dang / gsang sngags kyang mang du gsan/ de nas rgya gar shar phyogs su byon nas slob dpon birWa pa'i slob ma ni DoM bi he ru ka /de'i brgyud pa 'dzin pa'i slob dpon mi thub zla ba dngos kyi slob ma mchog dge slong dpa' bo rdo rje la he badzra'i rgyud gsum yan lag dang bcas pa la sogs pa'i sngags mang du gsan/ bsam mi khyab la sogs pa'i man ngag mang du zhus/ lam 'bras rtsa ba med pa cig kyang gsan/ rgya gar du lo bcu gnyis bzhugs nas lo tsA ba chen por gyur/ stag los ni shes rab snying po rgya klog tu 'don pa cig las ma shes/ rdo rje gdan la bskor ba byed kyi na bsdad gsung ngo / /tshul khrims kyi mgo thon pas stag tsho'i sde pa mang po byung ngo / /de nas bla chen bod du byon/ chos mang du gsung gin bzhugs skabs su spa dro'i tshur nye ba rnam thang dkar po na bzhugs pa'i dus su/ bla ma ga ya dha ras phrin btang nas bsu ru shog gsungs/ chos ci shes dris pas rdo rje theg pa la mkhas par dgongs nas dges pas bsu ste grom pa lha rtse'i brag la bzhugs nas chos kyi zla bo byas pas shin tu mnyes nas lo lnga bzhugs par byas/ gser srang lnga brgya 'bul bar byas nas mu gu lung du bzhugs par byas/ lo gsum na 'gro gsung / bla ma'i thugs la gser rdzogs par 'bul dgongs nas gser bsgrubs pas bag tsam ma ldang nas zur shag 'byung ba la mi btang nas chos sbyin gyi shog gsungs pas/ zur yang dag gi sgrub pa la zhugs pas slob ma la la na re/ dge sbyor gi bar chad yin zer ba la/ 'brog mi lo tsA ba chen po yin pas man ngag yod nges zer nas phyin pas gser srang brgya tsam yang phul/ bla mas bsam mi khyab kyi man ngag