[A:417]la pha mes bag chags kyi/ /sems phyogs bon bslabs rdzogs chen phyag chen bslabs/ /zhes dgung lo bcu nas 'dri klog rtsis sogs la mkhas par sbyangs/ bcu gsum nas bla ma g.yung drung rgyal po la bon gyi skor gsan mkhas par gyur te ka pa li 'dren pa bdun brgya tsam gyi tshogs pa bskyangs nas bon gyi 'chad nyan dang bstan bcos mang du mdzad pas dbus gtsang kun tu dar rgyas su gyur na'ang bon 'di gsha' ma rang zhig min pa 'dra snyam rgya gar du 'byon par brtsams tshe yab yum gnyis kyi ring mi 'byon par bshol btab la brten/ sngags rnying ma ba bla ma 'byung gnas seng ge la sems klong man ngag gi sde rnams gsan zhing slob ma sum brgya tsam bskyangs kyang spyod pa la ma mgu bar lhas bskor ba dang sbrags bla ma ni ru par phyag chen/ mtshan brjod/ do ha/ dgra 'jigs kyi skor sogs gsan na'ang thun mong gi dngos grub tsam la ma rangs pas/ de tshe rgya gar grub thob a mo ghas/ /'di ni sprul pa'i sku ste rgya gar 'gro/ /paNDi ta dang grub thob thams cad kyi/ /thugs bcud bsdus nas 'gro rnams smin grol mdzad/ /sna tshogs sprul pas gdul bya 'dul bar 'gyur/ /theg chen snying po mtha' bral chos sgra sgrog /mthar thug gsang sngags bde stong dbyer med kyi/ /seng ge'i nga ro phyogs bcur sgrog par 'gyur/ /zhes lung bstan dang mthun par zhing btsongs pa dang sru mo'i g.yu sogs la brten pa'i gser mang po bsnams nas byon tshul/ de nas rin cen gser phye 'phongs med khyer/ /gces pa'i srog la ma bltas dka' spyad nas/ /rgya dang bal po'i yul du lan