[A:582]par ma gyur pa/ /de srid mgon skyabs dpung gnyen gzhan med pas/ /yid ches dad dang gus pas gsol ba 'debs/ /slu med thugs rjes sngar bzhin gzung du gsol/ /zhes byung zhing / rje mkhyen brtse dpon slob phyir phebs gdong bla ma dam pas 'khon rog shes rab tshul khrims kyi gter ma'i phur pa/ rje nyid kyi dbang bum yun ring gnang ba'i phyag dril shing 'khul ma shubs bcas/ seng ldeng gi kha TwAM ga /bde mchog rtsa rgyud kyi TIkka mu tig 'phreng ba/ 'phags pa rin po che'i thugs dam gur mgon hor sku zhig sogs gnang sbyin phun sum tshogs pa stsal/ yang khams pa a kro zer bas kha'ur rdo ring rin po che la mgon po zhal gyi chos skor dgos tshul zhus tshe rje 'di la spyan cer gzigs nas cis kyang byed gsungs zhal gyis bzhes kyang gnang ma thub pa phyis rje bla mas gnang dgos byung ba lung bstan du 'dug /mi ring ba'i skabs shig rje bla ma 'di nyid bo dong du spyan 'dren ma zhus par phebs nas gzhan don gcod kyi rigs med khyed la chos shig gshod du yongs ba yin phebs pa gang yin dri ba zhus par 'jigs byed yin tshul byung ba bzhin 'o yug sding mar spyan drangs/ dpal rdo rje 'jigs byed rwa lugs lha bcu gsum ma'i dbang bzhi rwa pod sogs yig sna'i lung dang man ngag /shin tu zab pa rwa 'khrid mkha' 'gro snyan brgyud kyi nyams 'khrid gnang bas rdo rje theg pa'i lam gyi gnad gsang thams cad thugs kyi klong du gyur pas bka' drin dran te mkhyen brtse'i zhabs kyis/ dran pas gdung sel khyab bdag ma he'i zhal/ /ngur smrig zol gyis rol pa'i pha rgod des/ /'khrul med gnad kyi lam bzang