[A:533]/ rgyug gam snyam pa zhig byung bas 'di bar chad dam dngos grub gang yin mi shes pa 'dug /da res nas brda zhig ston pa ma byung / da mngon du ma gyur ba la gsang dgos snyam zla 'o rnams la bgros ye ma btang / de'i nub 'og gi 'du khang nang gi lcog bur bsdad pa'i tshe/ gtor bsngo sogs spros bcas kyi dge sbyor rnams kyang de ga'i ngang du 'gro ba zhig byung / ci yin nam cha med ya mtshan ni che snyam dge sbyor gyi ngang du sral/ der byams chen/ sku 'bum chen mo/ rnam sras rang byon sogs mjal/ phyag mchod smon lam yid ches pa btab/ sang tsha thon la dge sdings nas bdag chen rin po che'i phyag phyi drung 'khor gzhon pa kha cig kyang gnas mjal la byung / nged tshos ja bzang po bskol nas drangs/ dag snang byas thams cad bsdongs nas zhal ras lha khang mjal/ de na phag mo zhal gnyis ma'i sku li ma zhig 'dug pa de'i phag zhal ngang thog gi bar la shel gyi 'khar ba btsugs pa lta bu zhig 'dug pas/ 'di gang yin byas lag pa reg pas 'od ma gtogs reg rgyu mi 'dug /dkon gnyer de na re/ de phag zhal yin pa gda' zer/ de khong rnams kyi ma mthong ba 'dug pas kha rog bsdad/ sku de la mgo gtugs de dbang bzhi blangs smon lam btab bo/ /lar rje btsun mkha' spyod dbang mo 'di nged rang la thog ma nas dgyes pa zhig yin 'dug pas/ rje btsun rdo ring pa chen po'i gsung nas kyang / chos rje la mkha' spyod ma'i byin rlabs byas res kyi nged la ltas khyad par can re yong gi 'dug /'bad rtsol mdzad na 'dis mkha' spyod la 'khrid