[A:524]ldan rjes su 'dzin pa'i slad du snyan brgyud zab mo'i be bum po ti re dang bcas pa khur/ kho bo cag rkang 'gros kyis bul bas/ rta sngon po brtan brling 'dzom pa sga srab la sogs pa dkyus thub pa zhig la zhon/ thub pas dbyar gyi ras chen gnang ba dang mthun pa'i char skyob kyi ras nam thang yug po che mu men gyi mtha' 'jag btang ba lta bu zhig gyon/ mang mkhar thub bstan dge 'phel gyi dgon pa nas chas te/ rang gi bsti gnas su cung zad ngal gsos/ 'dar stod rnam rgyal stag rtse'i pho brang gi 'dun sar mchod rten gyi rab gnas dang dga' ston bsgrubs te rim par chas pa ni 'di ltar ro/ /yid 'ong mtsho chen ngogs su chas pa yi/ /dpal ldan ngang pa'i rgyal po 'dab bzang dbang / /ngur pa bye bas bskor ba'i mdzes sdug ni/ /mkha' la li khri'i rdul dmar 'khrigs pa ltar/ /de bzhin bstan dang 'gro ba'i don chen la/ /rings bar chas pa'i rnal 'byor ku sA li/ /ngur smrig 'dzin pa'i slob 'khor dang bcas pa/ /yul dbus 'dzin ma'i sman ljongs yangs par chas/ /gang de mthong ba'i skal bzang gzhon nu rnams/ /bde skyid phyi ma bde ba'i rnam thar can/ /'di 'dra'i rjes su nga yang khrid na snyam/ /yid kyis re smon ci yang 'debs par byed/ /de'i nub ha cang mi ring ba'i grong khyer don grub gling zhes bya bar skyed tshal ljon shing gi do ra 'khrigs pa zhig 'dug pa der lcog grwa rnams sprin dkar gyi 'phreng ba tshar du dngar ba ltar brgyab/ chos spyod kyi rim pa 'brug gi sgra ltar du ldir/ rgya ja bzang po ngar ngad 'dzom pa'i