[A:284] tshe dpag med lha dgu'i dbang / rnam 'joms pa'i ri lugs kyi rig gtad/ 'jam dbyangs a ra pa tsa na dang / sgrol dkar paN chen lugs kyi rjes gnang / dpal gur gyi mgon po lha brgyad lcam dral/ gnyan mgon bsnyen dus/ dmag zor re ma tI gsang sgrub rnams kyi rjes su gnang ba dang / rgyal ba'i sras po thogs med kyi bka' 'bum thor bu pa dang / rje gzhon nu rgyal mchog pa'i blo sbyong zin bris sogs lung gi rnam grangs du ma zhig gsan par mdzad/ mang du thos pa rgya mtsho lta bu'i pha rol tu son pa'i sems dpa' chen po 'bum dbon rdo rje rgyal po'i zhabs rdul nye bar bsten nas/ dpal bde mchog sdom pa 'byung ba lha bcu gsum dang / tshe dpag med grub rgyal lugs lha bcu gsum ma'i dbang / dpal phyag na rdo rje 'khor lo chen po lha bco brgyad kyi dbang / grub chen dza ba ri pa'i rgya gzhung bco brgyad kyi lung / phyag rgya chen po grub pa sde bdun las de kho na nyid ye shes grub pa/ gnyis su med par grub pa/ lhan cig skyes pa grub pa/ thabs dang shes rab gtan la dbab pa grub pa rnams gsan/ khyad par dpal dus kyi 'khor lo'i skor rnams bla ma de dpal jo nang du spyan drangs nas zhib tu gsan pa ni/ bla ma'i yon tan yongs su bzung ba'i rgyud/ dpal don dam pa'i bsnyen pa rgyal po padma dkar pos mdzad pa/ dbang mdor bstan gyi 'grel pa dus zhabs pas mdzad pa/ yang nA ro pas mdzad pa/ dus zhabs pas mdzad pa'i dus kyi 'khor lo'i sgrub thabs/ dkyil chog dka' 'grel padma can/ sbyor drug gi 'grel pa sbas pa mig 'byed/ a ba dhU tI pas mdzad pa/ rgyal po 'jam dpal grags pas mdzad pa'i rnal 'byor gsum gyi snying po gsal ba/ slob dpon dpe med 'tshos