[A:357]sgrub bya drug la bsnyen par rdzogs pa'i sdom pa stsal/ ston yang rje btsun dbon rin po che'i zhabs phyir bdag la sogs pa kha cig la phur ba sa lugs dang / 'khor lo sdom pa bong zhal can gyi dbang gnang ste/ skal ba dman pa dag gis dbang bskur ba thob pa'i tha ma ni 'di yin/ 'brug lo'i dpyid chos rje rtag sde pa blo gros rgyal mtshan la sogs pa kha cig la dpal rdo rje 'jig byed rwa lugs ro langs brgyad bskor gyi rdul tshon du dbang bskur ba sngon du 'gro ba'i rwa khrid la sogs pa'i gsung chos mang po zhig gnang zhes thos/ dbyar sos gsung ngag rin po che'i brgyud pa dang / ltung bshags kyi sangs rgyas so lnga sogs rdo lha mang po la rab tu gnas pa mdzad de/ /mdor na bstan pa'i sbyin bdag gnas gsar bas/ bris sku dang 'bur sku dang / lugs sku dang / mchod rten sogs sku gsung thugs kyi rten zam ma chad par bzhengs pa rnams kyi zhal ta dang / rab gnas star chags su mdzad la/ zhal bkod las bskrun pa'i lha rnams ni sku'i rnam 'gyur bde nyams su ming btags pa'i nyal ba dang snyes pa dang zhal phyir phyogs pa dang / stan med par 'khyams pa sogs ma yin par/ seng khri dang pad zla sogs 'os shing brjid chags la lhun stug pa'i gdan la/ sku drang zhing brtan pa/ rgyud sde las gsungs pa'i phyag tshad dang ldan pa/ gtso 'khor che chung khyad che zhing 'khor rnams gtso bo la phyogs pa/ gyen du lta zhing dbugs bskyod tshul/ /zhes sogs/ rgyud sde nas bshad pa'i mi shis pa'i mtshan ma thams cad dang bral zhing /