[A:513]chen por gral 'gyed dang 'bul gtong rgya chen po dang / gsol 'debs la bla brang nyi thog tu gdan sa chen po na bzhugs pa'i bla ma dge ba'i bshes gnyen rnams spyan drangs te gsol 'debs nyi ma mang po'i bar du mdzad/ dgung zhag la slob dpon chos seng la sogs pa mang pos yan lag bdun pa phul dus dran gyi tshes grangs rnams la yang mchod cha la sogs dngos po rnams rim par gtong zhing bdag tu bzung ba ma mdzad/ sa bzang du yang gdan sar ji ltar byas pa las mi zhan pa'i gshegs rdzongs gsol 'debs la sogs pa mdzad de 'khor gsum yongs dag mdzad do/ /der ma zad khong pa rang la yab kyis phul ba'i phyag rdzas rnams bla ma rnams kyi phyag tu phul bar mdzad ces gsungs la/ 'dir yang dngul gyi bya ma bum la sogs pa mang po thugs dgongs rdzogs thabs su gtong bar mdzad do/ /gzhan yang 'dra 'bag gi sku lder che chung la na bza' bzhugs stan la sogs pa dang / nang rten dus gsum sangs rgyas gandho la rtse lnga pa zangs gser las shin tu mtshar ba/ gdung thal dang gdung rus la sku gdung 'bum ther btab nas/ byang chub chen po'i mchod rten dngul 'bum du bzhugs pa la yang bla bre/ sangs rgyas stong sku'i dar yol gyi na bza'/ mdun du mchod cha dang bcas pa rnams dang / rab tu gnas pa legs par bsgrubs te/ da lta yang shAka bzang sku 'bum na bzhugs so/ /de'i tshe skye bo ngan pa'i log bsgrub kyi rlung gis mi bskyod par gdan sa lo gsum mdzad de/ bka' bzhi pa rang gi phyag tu gtad nas/ gzhan la gnod pa'i sems dang / rnyed pa ma thob pa thob par 'dod pa la sogs pa'i thugs dang / grags pa dang bsnyen bkur la sogs pa bsgrub pa'i spros pa thams cad spangs nas bla ma'i gzims khang sku 'bum du bzhugs nas lam 'bras la sogs pa'i theg pa gsum gyi dam pa'i chos