[A:86]la/ lha dgu'i rjes gnang chu bsrungs dang bcas pa zhus nas/ yig cha'i rim pa la/ lo rgyus rgyas pa/ lha'i bu la sogs pa bdud bzhi zhi ba'i phyir/ dbang po rab 'bring gsum gyi sgrub thabs/ khyad par du 'og gdon bsrung ba rnams la sems dpa' sum rtsegs bzlas pa dang bcas pa/ bsnyen pa'i tshad bstan pa/ me 'bar bar bya bas gnod pa drag po bzlog pa rigs mi gcig pa gsum/ se gol gyis bsrung ba/ sdigs mdzub kyis bsrung ba/ ral gri'i bsrung ba/ nyal ba'i rnal 'byor rgyas pa/ chu'i bsrung ba/ rjes gnang gi yi ge maNDal la brten te bsgrub pa lha dgur bsgom pa/ rgyun du bya ba'i gtor ma/ nad pa'i don du gtor ma/ rmi lam ngan pa dang / 'chi ba bslu ba'i gtor ma/ lam du bsrung ba'i gtor ma/ mchog bsgrub pa'i gtor ma/ gtor bltas brtag thabs dang bcas pa/ las bzhi'i gtor ma/ bris sku bya thabs rnam pa bzhi rab gnas dang bcas pa/ gtum po'i 'khrul 'khor che chung gnyis/ mi ma yin pa'i gnod pa zhi ba la sogs pa sbyin bsreg las bzhi dang / til gyi gzugs brnyan la brten te bgegs tshar bcad pa'i sbyin bsreg las thor bu ba la/ nad pa dang bsri'u gso ba/ rgyal po sogs pha rol gyi dpung bzlog pa la sogs pa'i yig cha zhib pa/ slob dpon rin po ches mdzad pa rnams thob pa'i brgyud pa ni/ gtum po mi g.yo ba/ slob dpon dze ta ri/ rdo rje gdan pa che chung gnyis/ rje btsun ba ri lo tsA ba/ sa chen pa/ slob dpon pa/ rje btsun pa/ chos rje sa paN/ zhang mdo sde dpal/ lo mchog bla ma gzhon tshul ba/ mkhan chen sher rdor ba/ chos sgo ba chos dpal shes rab/ pha chos kyi rje/ des bdag la'o/ ! /yang / mi g.yo ba rnal 'byor bla na med pa'i lugs lha dgu'i dkyil 'khor du dbang bskur