[A:58]pa'i yig cha'i rim pa la/ dbang gi cho ga'i sngon du 'gro ba sogs/ cho ga bdun gsum nyi shu rtsa gcig de dag gi gnad rgyas par ston pa'i cho ga lnga gsum bco lnga dang bcas pas/ thun mong du bum dbang bcu gcig rgyas par bskur ba'i tshul/ bcu gnyis pa thun mong ma yin pa'i bum dbang / rdo rje slob dpon bdag po'i dbang / dbang gong ma gzhan lus shes ldan lam gyi dbang gsum/ de dag re re la'ang gsang dbang gi bum dbang sogs bzhi bzhir phye nas bskur ba'i tshul/ rnal 'byor dbang phyug shrI dza ga ta mi tra a nanta'i zhal gdams mthar thug dbang bskur ba de dag 'brel ba'i bskyed pa'i rim pa dang / gtso bor rdzogs rim ston pa'i gzhung rdo rje mkha' 'gro'i zhal nas dngos su gsungs pa rdo rje sbas pa'i gsang lam/ paNDi ta de nyid dang / lo tsA ba snubs mi bskyod rdo rje'i 'gyur/ mngon rtogs yab yum lhan skyes dang / nyi shu rtsa lnga'i sgrub thabs rgyas pa/ paNDi ta'i gsung bzhin lo tsA bas bkod pa/ lha bcu bdun gyi sgrub thabs slob dpon mi pham sbas pas bsdus pa/ shrI mi tra dang / snubs lo'i 'gyur/ ral gcig gi rnal 'byor gyi cho ga rnam gsum/ rdzogs rim gyi skor la/ gzhan lus shes ldan la/ rmongs pa spang ba'i don du snga khrid kyi rim pa ni/ byang sems kyi dkar khrid/ 'og sgo bde chen gyi lam la/ tshan pa lnga'i nyams myong dga' ba bzhi'i khrid/ lcags kyu'i 'dul khrid/ ting nge 'dzin gyi rtsal khrid/ sgra gcan gyi gza' khrid rnams so/ /yang / ye shes 'pho ba'i byin brlabs kyi cho ga rang lus thabs ldan gyi gdams pa de kho na nyid rdo rje sbas pa'i gsang lam/ sngon 'gro/ dngos gzhi/ rjes gsum gyi dngos gzhi la/ rtsa rlung thig le man ngag gsum dang / sems la gtso bor rten pa'i man ngag rang dbang rang gis sgyur