[A:202]gzungs/ lha yul ma chung bar grags pa kha che'i paNDi ta ma hA dza na'i rang 'gyur/ de bzhin gshegs pa thams cad kyi gtsug tor rnam par rgyal ma zhes bya ba'i gzungs rtog pa dang bcas pa/ yang de bzhin gshegs pa'i gtsug tor rnam par rgyal ba zhes bya ba'i gzungs rtog pa dang bcas pa/ paNDi ta chos kyi sde dang / ba ri lo tsA ba'i 'gyur/ yang gtsug tor rnam par rgyal ba zhes bya ba'i gzungs rtog pa dang bcas pa chung ba/ 'phags pa ngan 'gro thams cad sbyong ba gtsug tor rnam par rgyal ba zhes bya ba'i gzungs/ paNDi ta dzi na mi tra dang / su rendra boddhi dang / bandhe ye shes sde'i 'gyur ro/ /gtsug tor rnam par rgyal ma'i gzungs zhes bya ba'i rtog pa rab byed dang po/ mkhan chen nyi ma rgyal mtshan dpal bzang po'i 'gyur/ 'di la sngags oM dgu ma dang / lha sum cu so gsum gyi dkyil chog yod/ kun nas sgor 'jug pa'i 'od zer gtsug tor dri ma med par snang ba'i de bzhin gshegs pa thams cad kyi snying po dang dam tshig la rnam par lta ba zhes bya ba'i gzungs/ 'di la 'grel pas dkyil 'khor brgyad gsungs so/ /shes pa thams cad mthar phyin par grub pa'i mchod rten zhes bya ba'i gzungs 'di gtsug tor dri med kyi lag len du snang ste/ rgyud rang yin min the tshom za'o/ /mchod rten gcig btab pas bye ba btab par 'gyur ba'i gzungs dang cho ga ni/ rnam snang 'od kyi rgyal po'i gzungs nas/ bod kyis gang mkho ba rnams bsdus par snang ngo / /'od zer dri ma med pa rnam par dag pa'i 'od ces bya ba'i gzungs/ paNDi ta bidhya ka ra singha dang / lo tsA ba dpal gyi lhun po'i sdes bsgyur ba'o/ /'di gtsug tor dngos ma yin kyang gtsug tor dang cha mthun zhing mchod rten bya ba'i tshul dang cho ga mthun pas phyogs gcig tu bkod do/ /snying rje'i mchog ces bya ba'i