[A:155]rin pas mdzad pa dang / dkyil chog snying po mdor bsdus bu rin po ches mdzad pa'i steng nas dbang bzhi yongs su rdzogs par thob pa'i brgyud pa ni/ rdo rje 'chang / ye shes kyi mkha' 'gro ma/ A tsarYa la li ta badzra/ a mo gha badzra/ ye shes 'byung gnas sbas pa/ pad ma badzra/ dI paM kA ra/ rwa lo tsA ba rdo rje grags/ rwa chos rab/ rwa ye shes seng ge rwa 'bum seng / rje btsun rgwa lo/ bla ma shes rab seng ge bla ma dpal ldan seng ge bu ston thams cad mkhyen pa/ lo tsA ba rin rnam pa/ rin po che grags rgyal ba/ slob dpon rin po che'i zhal snga nas/ des bdag la'o/ /bsgrub dkyil gyi lung yang thob bo/ /yang na/ rje btsun rgwa lo nas/ 'gro ba'i mgon po 'phags pa rin po che/ bla ma zhang dkon mchog dpal/ dga' ldan pa kun bsod/ gu ru dpal ldan seng ge man gong bzhin no/ /gang la mkhyen brtse'i snying po dang ldan gzhan phan ze'u 'bru'i phreng bas gtams/ /blo gros yon tan 'dab ma rab rgyas tshul khrims dag pa'i dog pas 'khyud/ /mi zad chos kyi sbrang rtsi'i ro yis bskal bzang bung ba'i tshogs bsdud pa/ /dpal ldan bla ma chu skyes de ni bdag yid dang mtshor 'bral med mdzod/ /lhag par yang / rnal 'byor rgyud kyi chos tshul la bka' drin mtshungs pa ma mchis pa chos kyi rje rin po che de las/ dpal de kho na nyid bsdus pa rnal 'byor chen po rtsa ba'i rgyud kyi dum bu dang po las gsungs pa/ de bzhin gshegs pa'i rigs/ rdo rje dbyings kyi dkyil 'khor chen po rtsa ba'i lha sum cu rtsa bdun/ bskal bzangs kyi sems dpa' dgu brgya dgu bcu rtsa drug dang bcas pa'i rdul tshon gyi dkyil 'khor du slob dpon chen po kun dga' snying po'i dkyil chog lugs su dbang thob pa'i smad lugs kyi brgyud pa ni/ sangs rgyas/ phyag rdor/ rab gsal zla ba/ sgra