[A:118]bo rje lha gcig gi dzambha la la rten pa'i mthun rkyen bsgrub pa'i man ngag ces bya ba/ ri khrod pa'i gces nor khyad par can cig kyang zhus so/ /'di'i yang bla ma brgyud pa gsan yig na mi bzhugs pas 'dir yang de ltar ro/ /gong 'og 'di gnyis bdag gi bla mas bzad pa rin rgyal ba la zhus par gda'o/ ! /yang / dbyug gu ma spun gsum gyi brgyud pa ni/ thub pa'i dbang po/ rje btsun 'jam dpal/ dze ta ri/ rdo rje gdan pa/ ba ri lo tsA ba/ sa chen/ slob dpon pa/ rje btsun/ sa paN/ 'phags pa/ rin po che tshogs sgom/ bsod nams brtan pa/ na za pa/ ye shes dpal/ blo gros bzang po/ mkhan chen seng ge dpal/ 'di la ba ri lo tsA ba'i thugs dam mkha' 'gro ma'i lag bcangs ma zhes bya ba dang / de'i lag len chos dpal bzang pos sbyar ba'i lung yang thob bo/ /gzhan yang rim pa gnyis kyi man ngag mang du thob pa la/ ba ri ba'i 'bum nag gam/ rig pa'i 'bum chen mo zhes bya ba'i mdo/ rig pa lnga bcu yod pa dang / rig pa thor bu ba bsdus pa 'bum zhes pa'am/ sna tshogs rigs pa'i 'bum chung rig pa gya lnga yod pa/ byad ma 'bum bzlog tu grags pa la/ lo rgyus/ bsrung ba/ ngag mnan/ mtshon bsrungs/ jag chings/ nor sgrub/ tshe bsgrub/ rmi lam ngan pa bzlog pa/ bzlog pa byed lugs rnams kyang zhus so/ /'di rnams bdag gi bla mas mkhan chen seng ge dpal la gsan pa las so/ ! /yang / grub pa sde bdun du grags pa/ phyag rgya chen po gzhung gi bskor la/ gsang ba 'dus pa la rten nas/ slob dpon padma badzras mdzad pa'i gsang ba grub pa/ paNDi ta kriShNi dang / nag tsho'i 'gyur/ de dang saM bhu Ti la brten nas/ slob dpon yan lag med pa'i rdo rjes mdzad pa'i thabs dang shes rab gtan la dbab pa grub