[A:༧༨བ] དུས། ཁོང་རང་གི་རྣམ་ཐར་ལམ་ཡིག་ཏུ་བཀོད་པ་ལས་འདི་ལྟར་འབྱུང་སྟེ། དེ་ནས་རྫི་ལུང་དུ་ཞག་གཅིག་བསྡད། སང་ཉིན་དགེ་སྡིང་ན་དཔལ་ས་སྐྱའི་ཆོས་ཀྱིས་མངོན་པར་མཐོ་བའི་ཁྲི་ལ་བཞུགས་པ་བདག་ཆེན་རིན་པོ་ཆེ་ཁྲི་ཐོག་པའི་དྲུང་བཞུགས་པ་དང་མཇལ། དེས་སྔ་ནས་དཔོན་སློབ་འདྲིས་པ་ལྟ་བུའི་ནང་གཙང་ཞིང་ཐུགས་འགོལ་བ་བཀའ་ལུང་བག་ཕེབས་པར་གནང་། ངེད་རྣམས་ལ་བདག་ཆེན་ཐམས་ཅད་མཁྱེན་པ་ཆེན་པོས་མཛད་པའི་བླ་མ་མཆོད་ཆོག་རྒྱས་བསྡུས་ཀྱི་ལུང་། དེ་དང་རྗེས་སུ་འབྲེལ་བའི་བླ་མའི་རྣལ་འབྱོར་འདོད་ཞུས་ལྟར་བཀའ་དྲིན་བསྐྱངས། སྐུ་ན་ཕྲ་མོ་འདི་ལྟ་བུ་ལ་འདི་འདྲའི་ལུགས་གཉིས་ཀྱི་གནང་བཀོད་ངོ་མཚར་བ་འོང་བ། ངེས་པར་འཇམ་པའི་དབྱངས་ཀྱི་རྣམ་འཕྲུལ་ཡིན་པ་ལ་ཐེ་ཚོམ་མི་ཟ་བ་འདུག་སྙམ་པའི་དད་མོས་དང་། ས་སྐྱ་པའི་རྨོངས་ཞེན་གྱིས་བློ་བདེ་བ་ཚད་མེད་པ་བྱུང་། བྱིན་རླབས་ཀྱི་རྟེན་གནང་སྦྱིན་སོགས་ཡང་དག་ཐུགས་རྗེས་