[A:༡༡ན] བས། སྐུ་ཁམས་ལེགས་པར་དྭངས་པ་དང་། ཡང་སྐབས་ཤིག་གི་ཚེ་གནས་གསར་བའི་གཞིས་རིན་ཆེན་སྒང་དུ་ཕེབས་དུས། ཁོང་རྣམས་ཀྱིས་རྩིས་མགོན་གྱི་ལྷ་མོ་ལ་བསྐང་མདོས་ཕུལ་བའི་ཚེ། རྗེ་ཉིད་ཀྱིས་ཁྱོད་ཀྱི་ལྷ་མོ་ལ་བསྐང་མདོས་ཡང་ཡང་དགོས་པ་འདི་འདྲ་ལྐོག་པ་ལ་གསུངས་པས། ལྷ་མོ་དེ་ཅུང་ཟད་མ་མཉེས་པར། དེ་ནུབ་ཐོ་རངས་རྗེ་ཐུགས་དམ་ལ་བཞུགས་པའི་ཡུན་དུ་ཤིན་ཏུ་འཇིགས་པའི་ཆ་ལུགས་སུ་བསྟན་ནས་བྱོན་པ་ན་བར་ཆད་བྱ་བར་ནི་མ་ནུས། རྣལ་འབྱོར་པ་ལྟ་བ་ལ་སྦྱངས་འདུག་གསུངས། ཞལ་ཅུང་ཟད་འཛུམ་པ་དང་བཅས་ནས་དེ་ཉིད་དུ་མི་སྣང་བར་གྱུར། གཞན་ཡང་འོད་གསལ་གྱི་གཟིགས་སྣང་ལ་ཐོག་བཅས་ཀྱི་དངོས་པོ་སྒྲིབ་མི་ནུས་པར་ཇི་ལྟ་བ་ཐམས་ཅད་གཟིགས་པར་སྣང་སྟེ། ལན་ཅིག་ས་སྐྱར་བླ་བྲང་ཤར་ན་གསུང་ཆོས་གནང་བའི་དུས། རྒྱ་འདྲེ་དཔོན་གཡོག་རྣམས་ས་སྐྱའི་ཉེ་སྐོར་ན་སྒར་བརྒྱབ། སྐབས་སུ་དཔོན་པོ་དེའི་།