[A:༩ན] ཕྱག་འཚལ་སྒང་དུ་སླེབས་པ་ན་འཕགས་པ་བྲག་ཁུང་གི་གཏོར་ཁང་ལྡེབས་ལ་དཔལ་མགོན་ཆེན་པོའི་སྐུ་བྲམ་གཟུགས་རྗེ་རང་གི་ཕྱག་བྲིས་མ་གཅིག་བཀྲམ་ཡོད་པ་ལས། འོད་ཟེར་སྔོ་ནག་ཕྱོགས་མཚམས་ཀུན་ཏུ་འཕྲོ་བ་དང་དུས་མཉམ་དུ་མི་རྐང་གི་གླིང་བུའི་སྒྲ་སྐད་ཤིན་ཏུ་ཆེ་བ་གྲག་པ་གཅིག་བུས་བྱུང་པས། སྐད་ཅིག་དེ་ཉིད་ལ་བར་སྣང་ལ་སྤྲིན་ནག་པོ་འཁྲིགས། འབྱུང་པོ་ཡོད་པའི་ས་དེར་ཐོག་སེར་ཤིན་ཏུ་དྲག་པ་གཅིག་བབས་སོང་བས། འབྱུང་པོ་འཁོར་བཅས་གར་སོང་ཆ་མེད་དུ་སོང་བ་བྱུང་། དེ་དུས་ཀྱི་བྲིས་སྐུ་དེའང་ཕྱིས་རྒྱལ་མཁར་རྩེ་པ་ལ་གནང་ནས་ཡོད་དོ། །ལན་གཅིག་ནོར་བུ་ཁྱུང་རྩེར་ཕེབས་པའི་ཚེ། ཆོས་རྗེ་རྐྱང་འདུར་བ་དཔོན་སློབ་དང་གཟིམ་ཁང་སྟེང་འོག་ཏུ་མཛད་ནས་བཞུགས། རྗེ་དཔོན་སློབ་རྣམས་ཀྱིས་ཚོམས་འོག་ཏུ་ཆོས་སྐྱོང་རྣམས་ལས་ལ་བསྐུལ་བའི་རོལ་མོ་དྲག་བརྡུངས་མཛད་པ་ན། སྟེང་དུ་ཆོས་རྗེ་རྐྱང་འདུར་བའི་དགོངས་པ་ལ།