[A:༡༧༦ན]བཤད་གསར་དང་བསྟུན་ནས་སྔ་ཆོས་ཕྱི་ཆོས་མཛད་དེ། རྣམ་ངེས་ཟླ་གཅིག་ལ་ཤིན་ཏུ་རྒྱས་པར་ཐུགས་ནས་བཤད་པས་ཀུན་ཡ་མཚན་དུ་འཛིན་པར་གྱུར། དེ་ནས་ཁྲོ་ཕུར་ཁ་ཆེ་པཎ་ཆེན་ཕེབས་པའི་དྲུང་དུ་བྱོན། ཆོས་མཆོག་རྒྱ་སྐད་དུ་གསུངས་པ་ལ་བོད་དཔེ་བཀྲམ་ནས་གསན་ཅིང་རྒྱ་སྐད་དུ་བསྐྱར་བས། པཎ་ཆེན་ཤིན་ཏུ་དགྱེས་ནས་ཁོང་དཔོན་སློབ་རྣམས་ཀྱིས་པཎྜི་ཏ་ཆེན་པོར་མཚན་གསོལ་ཏེ་རྗེས་སུ་བཟུང་། ཚད་མ་སྡེ་བདུན་མདོ་དང་བཅས་པ་དང་། རྒྱན་ཆོས་མཆོག་ལྷ་ཤཱཀ་ལ་སོགས་པའི་འགྲེལ་པ་འགྲེལ་བཤད། དེ་བཞིན་དུ་མངོན་པ། འདུལ་བ། སྔགས་ཀྱི་བདེ་མཆོག་གསང་འདུས། ཁྱད་པར་དུས་འཁོར་ཆ་ལག་སེམས་འགྲེལ་གསུམ་ལ་སོགས་པ་གསན། པཎ་ཆུང་དཱ་ན་ཤི་ལ་ལ་ཡང་གཙོ་བོར་ཚད་མ་རྣམ་འགྲེལ། གཤིན་རྗེ་གཤེད་སྐོར་ལ་སོགས་པ་གསན། བལ་པོ་སྃ་གྷ་ཤྲཱི་ལ་སྒྲ་ཀ་ཙན། སྙན་ངག་སྡེབ་སྦྱོར། མངོན་བརྗོད་ཟློས་གར་ལ་