[A:67a]cad kyis tsandan gyi mgal bu re khyer la shog /nged kyi slob dpon sreg go /gal te rigs las 'das pa'i dngos grub brnyes na ni 'tshig par mi nus la/ rigs nyams na ni 'chi'o zhes sgrogs shig de ltar bsgrags pa dang thams cad kyis thabs zab par shes nas slob dpon yab yum me la bsregs te zhag bdun sus kyang ma lta zhig ces bsgo/ zhag bdun na bltas pas phyogs de mtsho yid du 'ong ba/ de la padmo'i sdong po shin tu rgyas pa/ de'i ze'u 'bru la slob dpon yab yum 'jam dpal yan lag med pa'i rdo rje'i dbyibs su 'od kyi pa tra sgor re bzhugs pa mthong nas/ thams cad kyis rigs las 'das pa'i dngos grub chen po thob par shes nas bzod par gsol te mtshan sku med rdo rje'am yan lag med pa'i rdo rjer btags/ des rgyal po'i don du thabs shes grub pa mdzad/ rgyal po indra bhU ti des kyang mchog gi dngos grub brnyes te/ de'i sras mo legs smin ka ra'i don du ye shes grub pa mdzad/ des kyang grub pa thob/ de lta bu'i rgyal po de la indra bhU ti bar pa zer ba yin/ u rgyan gyi rgyal po la mtshan de ltar thogs pa dgu byung zhes grags/ bsam mi khyab tu slob dpon padma snying rje che/ zhes pa yan lag med pa'i rdo rje la snying rje che zhes bshad/ yang / rta mchog dzi na'i zhal snga dang / /indra bhU ti legs smin bcas/ /zhes pa rgya nag tu 'khrungs pa'i gshin rje gshed kyi grub thob slob dpon rta mchog dzi na zhes bya ba u rgyan du byon/ DA ki ma rnams la sdigs mdzub gtad pas bred brgyal/ brgyal sangs pa dang ming po ci 'dod pa khyer cig zer nas gnang ba sbyin/ des 'jam dpal rtsa ba'i rgyud sgyu 'phrul dra ba khri drug stong pa sogs spyan drangs/ de kha 'jam dpal bshes gnyen/ slob dpon 'di rta mgrin gyi sgrub pa mdzad pa'i dus su rta skad kyis lung pa bkang bas mtshan rta mchog dzi nar thogs zer/ des kyang indra bhU ti/ yang sgeg pa'i rdo rje gu dha ri zhes pa'i sgeg pa'i rdo rje ni 'jam dpal bshes gnyen gyis 'jam dpal gyi chos sde'i snod du gyur pa su 'dug gzigs pas nor bu gling nas rnyed de 'jam dpal zhi khro'i dkyil 'khor du dbang bskur ba'i mtshan sgeg pa'i rdo rje/ mu stegs btul ba'i mtshan sna tshogs gzugs/ gzhan byang chub mchog gi skal ba dang ldan pa/ 'khrungs sa las nor bu gling pa zhes mtshan